L'antica sagra del Tresto... in rima

La Sagra del Tresto, una festa di origini antiche, si svolge quest'anno dal 20 al 29 settembre.

La storia racconta dell’apparizione della Madonna al barcaiolo Giovanni Zelo da Ponso, avvenuta il 21 settembre 1468, la quale gli avrebbe chiesto di condurla alla palude dei Tresti; qui gli avrebbe espresso la propria intenzione di salvare la gente del posto dalle malattie e dalla povertà, e di ricondurla alla fede, indicandogli anche il luogo preciso nel quale desiderava fosse eretta una chiesa. 

Su questa vicenda, tra devozione e tradizione, Anna Seno, una lettrice della Difesa del Popolo di Ospedaletto Euganeo, ha inviato una versione in rima in lingua veneta, un testo che ripercorre fedelmente la storia e la leggenda di questa festa. 

Pubblichiamo qui di seguito il testo completo: 

"... Senteve qua sui banchi in navata,

che ve conto la storia de sta cìesa de

antica data...

...pì de sincuesento ani indrio xe

capita' al Tresto on fato comandà da

Dio, quando ne ste terre sabiose e

stagnanti jerimo pieni de fame, de

pelagra e in pochi abitanti.

La storia inissia in sordina nea vissina

citade atestina.

Ateste 21 Setenbre 1468:

Intorno a mezanote, soto el ponte

del Borini sò drio ronchexare colgà

sol me batèo, apena finío de

scargare, quando dò bee siòre,

aparse dal gnente, le me scorla tre

volte jentilmente: mi, on barcarolo da

Ponso, biastemiatore e poareto

intonso, sò Zelo Giovani

che straco come on can sponso i ossi

dopo tanti afani. Le bee siòre, de

nobii sesti, le me dise che le voe

'ndare nea palude dei Tresti.

Mi mezo indormesà come on

pàndolo, ma sensa biastemiare,

ghe vago drìo dove che vole 'ndare.

El levatoio dea citade de notte

sempre alza' de colpo el se sbassa

e passemo a piè sensa dificoltà.

Caminemo col cìaro de 'na luna

sbiancà, co le racoete che cìama,

in mezo ai campi e a tere insupà;

mi co le sgiàvare de legno, dure che

le bate sol cùoro, lore con dee

papussete de pessa incrosà coi fili de

oro: le cammina drite e sicure

senza imbalsarse e senza paure.

Mi le vardo e me vien da pensare

cossa che ste dó done vien qua a

fare? Rivemo ai Tresti e a

destinassion, la sìora davanti se

senta sol fosso e fa le presentassion:

la xe Maria la Madre de Dio, l'altra 'na

fedele compagna che ghe sta tre

passi indrio. Maria me dixe che la voesalvare la xente del posto dae

malatie, dala povertà e da chi

biastemia tosto! Mi sbasso la testa,

le récie e anca i oci e casco pentìo

come na marìona so i me zenoci.

Maria voe che ne sto posto de anime

sconsacra' nassa na cìesa par sò

ferma volontà, la me fa piantare on

corteo par tera e on sprusso de

sangue conferma la so Divina Anima

vera. Maria, la Madona, dopo me

caressa, me benedisse e co la sò

compagna, drio on brolo de ua, la

svanisse. Mi col core in bataréa e

ancora inzenocià sento dentro on

fogo che se ga impissà e de

intendare go bisogno, se el xe stà on

miracolo o del cheno el sogno?

Ma el cortèo xe oncora lì, piantà

par tera e desgorga sangue so la stessa

tera, ghe xe anca na tràcia sol campo

disegnà de come la cìesa nea so

pianta deventarà. Capisso che sò sta

l'unico teste de on incarico Celeste,

go avù l'intercession e l'onore de

vèdare la Vergine Madre de Nostro

Signore. Da alóra go molà la barca, i

remi e perso la biastiema, go giurà

fedeltà ala Madona Madre Suprema

e so ndà in giro a declamare el

miracolo, dai poareti e dai i sióroti

me so presenta' fervente oracolo,

parche' tuti se ciàpasse a core la

costrussion del Santuario dea

Madona de Nostro Signore. Ma eco

che na grande sicità tuto ga fermà,

gnente se podea fare, né 'ndar vanti

co la nova cìesa, né bevàre né

magnàre. La xente desperà ale

grassie dea Madona n'altra volta la

se ga votà, e dala tera arsa in te on

canton de tramontana, on dì on

curiolo de acqua xe deventà pian

pian' na fontana. El Santuario xe sta

cossì finío grazie alla Madona che del

bisogno ga càpio e oncora desso,

qua, se fa messa ogni matina e de

sera la campana cìama par queavespertina. Mi Zelo Giovani, só el

custode e la memoria de sta vecia

storia, che sia de vegenza o de

verità, ma ne sto posto tanti miracoli

ghe xe stà, uno ve lo mostro senza

indugio: vedìo chel buso sol

Quintan? Xe de archibugio: chel sìor

là, on cavaliere, da morte certa la

Madona lo ga grazià, e vardè chel

fraco de ex voto tacà sol muro, i xe

tuti i so miracoli, ve sicuro.

Al dì de oncuó ne ste tere tuto xe

cambià, ghe xe case, paesi, ghe xe

modernità. Dove on tempo ghe jera

acqua ferma e pelagra, desso ogni

anno in ricordo se fa 'na gran bea

Sagra, a fine setenbre, a San Matìo,

se festeggia el Santuario dea

Madonna del Tresto, Madre Vergine

del Nostro Signore Dio..."